لحظة أصبر لآ تدش للتسجيل

 ما تبي ترحيب  !!؟

مرحبن مليون عندنا .. ضيف عزيز وغالي

وهذي الساعه المباركه إللي شرفتنا فيها

وترانا في حلا قطر نمبسط لى شفنا الواحد ياي يبي الفايده والوناسه

يعني ما نبي واحدن يخرّب

كل ما طق له عود بـ حصاة قال

( وعدنا في الطَلِعه )

وراح وسجّل بـ إسم ثاني .. وبدىا يسحّب ريوله

ويتكلم بكلام ماله داعي
 

  حريصين جداً في منتديات حلا قطر إننا نتطلّع كل صغيره و كبيره

ونلم بـ أكبر عدد من المشاركات وندقق فيها .. لكن

( العين ما تعلى على الحاجب )

وبعض المرّات ما نقدر نسيطر على الوضع

وبذلك

ترانا نُخلي مسؤوليتنا عن أي شي ماله داعي

وكل ما طُرح إنّما يمثّل وجهة ورأي نظر الكاتب

( اللهم أني بلّغت اللهم فاشهد )

بـ النسبه للصور في قسم الحريم فـ المشرفات هناك

هم إللي يقيّمون الصوره من حيث تركها أو حذفها

والتواصل يكون ( معهم فقط ) في طرح الرأي بـ شأن ذلك

أمّا باقي الأقسام فـ الأمر على حسب

إن كانها صورتن مخيسه وفيها قلّة حيا وخربطه

فـ ياويل ويا سواد ليل إللي حطّها

وبودّنا ان جميع الأعضاء في هـ المنتدى يعرفون إن منتدى

حلا قطر ( منتدى وسطي ) بس من دون شطحات أو خربطه

وترانا جبنا عامل بنقالي عشان يشيّك على كل شي

واللي بيلقاه حاطن ذاك و ذاك والا علمن مهوب زين

بنخلّيه يجلده لين يعض الخد <<-- ما يقصد أحد   

أجل قاعدين لنا ساعه نحتسي وننبّه وآخر شي يخالف الأنظمه .. أها بس !

ممنوع الكلام في الدين أو التعلقيات إللي مهوب زينه

أو الكلام في المشايخ والعلماء والتهكّم بهم

قسّمنا المنتدى إلى أقسام .. شي خاص بـ الهبال والوناسه

وشي خاص بـ الحريم والأرامل والمُطلقات وشي خاص بـ الجوّالات

وشي خاص بـ <<-- خلاص إسكت إسكت .. درينا .. الموهم

ما نبي واحد يروح يكتب موضوع عن الكمبيوتر في قسم الأخبار

أو تجي وحده وتكتب مشكلتها مع المكياج التقليد في قسم الرياضه

ما نبي جذي .. نبي ترتيب و شغل متكتك . واللي بـ يخالف هـ النقطه

راح نعلّقه على باب المنتدى ونفشّله ثلاث شهور ونص

الكلام إللي ماله داعي ( ماله داعي ) واللي نشوفه يعلّق أو يذب كلام

مهوب زين على غيره .. يتحمّل ما يجيه .. ويمكن ترىا نجتمع عليه من أعضاء

و مشرفين ونجلده

إللي يلاحظ مُلاحظه على مُشرف أو عضو .. ممنوع إنه يشرشحه ويكتب عنه

علناً في المنتدى .. فيه شي أسمه ( المدير العام ) رح أشتك عنده و هو ياخذ حقّك

التسجيل لـ عشان الإعلان عن منتدى ثاني أو لـ أجل مشروع تجاري .. ممنوع

إلا .. إذا نسّق مع الإدارة واخذ تصريح .. ذيج الساعه يحط إعلان في كل مكان

ولو يبي على جبهته .. فـ يستاهل

إللي يستخدم الرسائل الخاصه في حركات مهوب زينه .. تراه بيندم

وراح نشتكيه على كوندليزا بنت رايس عشان توريه شغله

و لـ العلم .. ترىا عندنا دبابيس في المنتدى .. وياكثرهم كثراه .. يعلّمون بـ كل شي

 وياويل ويلاه من طاح في يدي

ممنوع ثم ممنوع إن الواحد يسجّل بـ إسم معنا في حلا قطر بـ إسم يحتوي

على كلمة ( ودعت جرحك ) إحنا بس إللي إسمنا جذي .. لحد يقلّد أحد

إيه وترى إللي يخالف هـ البند بـ الذات ترانا ما راح نشاوره

بـ نقضبه الباب على طول

الناس إللي تحب ( النسخ واللصق ) ترى الشغل هذا ما نحبه .. نحب الجميع يبدع ويكتب لو شي بسيط من عنده

يمنع منعاً باتاً البتاتن كتابة أكثر من موضوعين في القسم الواحد في اليوم

يعني أكتب لك موضوع واصبر لك فتره وارجع شيّك عليه و رد على العالم إللي ردت عليك

وترىا بـ نقرشع المواضيع إللي نشوفها مكرره لـ نفس الكاتب

تنبيه : ترىا عندنا ترقيات من عضو جديد إلى عضو متقدّم

ثم يترقّىا و يوصل مرتبة (عضو نشيط ) ثم ( عضو مميّز ) ثم يصير

( عضو برونزي ) ثم يستاهل إنه يصير ( عضو فضّي ) وبعدها ( عضو ذهبي )

و أخيراً راح يعلّق مرتبة ( عضو خيالي ) ثم يحط لنا عزيمه في إستراحه

للرياييل مفاطيح و للبنات بوفيه مفتوح

إذا ما قدرت تستوعب الكلام إللي قلناه فوق

ما اقول إلا الله يخلف

لكن

عندك قوانين مفصّلة و واضحة كـ وضوح الشمس

إضغط عليه وراح ينقلك لـ الصفحه تلقائي

[ تعال إضغط هنا  ]

ما نبي عذر ليش وقفتوني

 مادريت عن قوانينكم

 عيل وشوله رازينها !!؟

 

 الحين تقدر تضغط موافق

والقلب داعيلك

 

راعي الحلال

 

ودعت جرحك